පෙරහරින් ජනාධිපති මන්දිරය වෙත පැමිණි දියවඩන නිලමේ නිලංග දෑල මහතා ඇතුළු සතර මහා දේවාලවල සහ පිටිසර දේවාලවල නිලමේවරුන්ව ජනාධිපති මන්දිරයේ ප්‍රධාන දොරටුව අභියස දී ජනාධිපතිතුමා විසින් පිළිගනු ලැබීය.
අනතුරුව දියවඩන නිලමේවරයා සම්ප්‍රදායානුකූලව සංදේශය ජනාධිපතිතුමා වෙත භාරදුන්නේය.
සම්ප්‍රදායානුකූලව පෙරහරට සහභාගි වූ කලා ශිල්පීන් වෙත තිළිණ හා සම්මාන ප්‍රදානය කිරීම ද ජනාධිපතිතුමා අතින් සිදුවිය.
ඉන් අනතුරු ව අභය රාජා සහ මිහින් රාජා ඇත් පැටවුන් දෙදෙනා වෙත පලතුරු සංග්‍රහයක් ජනාධිපතිතුමා හා ජනාධිපති ආර්යාව අතින් සිදු කළහ.
ජනාධිපති ආර්යා ශිරන්ති වික්‍රමසිංහ රාජපක්ෂ, මධ්‍යම පළාත් ආණ්ඩුකාර ටිකිරි කොබ්බෑකඩුව, ප්‍රධාන අමාත්‍ය සරත් ඒකනායක, ජනාධිපති ලේකම් ලලිත් වීරතුංග, මහනුවර නගරාධිපති මහේන්ද්‍ර රත්වත්තේ, දිස්ත්‍රික් ලේකම් ගාමිණි සෙනවිරත්න මහත්වරු ඇතුළු පිරිසක් මෙම අවස්ථාවට සහභාගි වූහ.
DB
