මන්ත්‍රීවරුන්ගේ වාචික ප්‍රශ්න වලට පිළිතුරු දෙන අවස්ථාවේ දී පාර්ලිමේන්තු මන්ත්‍රී චමින්ද විජේසිරි මහතා විසින් අසන ලද ප්‍රශ්නයකට පිළිතුරු දෙමින් කසළ මඟින් ජනනය වන අපජලය විද්‍යාත්මක අන්දමින් බැහැර කළ හැකි ක්‍රමවේදයක් ද එමඟින් ක්‍රියාත්මක වන බව පැහැදිළි කළේය.
කොළඹ නගරයේ ගොඩගසන කසළ සියල්ලම මෙම අරුවක්කාලු පවිත්‍රතා අංගනය වෙත දුම්රිය මඟින් ප්‍රවාහනය කිරීමේ කටයුතු මාර්තු මාසය වන විට ආරම්භ කිරීමට අපේක්ෂා කරන බව ද රණවක මහතා කිවේ ය.
නාගරික කසළ සමස්තයක් ලෙස ප්‍රතිචක්‍රියකරණය කිරීමේ වැදගත්කම ද පෙන්වා දුන් ඇමතිවරයා මෙබඳු වැඩපිළිවෙලක් මිට පෙර නොපැවතීම නිසා නාගරික සංවර්ධන අධිකාරියට අයත් ව තිබූ මීතොටමුල්ල කසළ අංගනය මඟින් මහත් විනාශයක් සිදු වූ බව ද පෙන්වා දුන්නේය.
එම භුමිය නිසි පරිදි නඩත්තු නොකිරීම නිසා ඇති වූ අර්බුදයෙන් ජිවිත 34 ක් විනාශ වූ බව ද පැවසූ රණවක මහතා කෙසේවුව ද, වත්මන් රජය යටතේ පීඩා විඳි මීතොටමුල්ල ප්‍රදේශයේ ජනතාවට සහන සළසමින් ඔවුන්ට උචිත නිවාස පහසුකම් සැලසීමට රජයට හැකි වූ බව ද ප්‍රකාශ කළේය.
