අමාත්‍යවරයා මේ බව පැවසුවේ ඊයේ (24) පාර්ලිමේන්තුවේදී කාලාවරෝධ සංශෝධන පනත් කෙටුම්පත දෙවන වර කියවීමේ විවාදය ආරම්භ කරමිනි.

මෙම කෙටුම්පත ඉදිරිපත් කරන්නේ 68 වන අධිකාරිය වූ කාලාවරෝධ ආඥා පනත සංශෝධනය කිරීම සඳහායි. ඉපැරැණි පනතක් වූ මේ පනතේ 15 වැනි වගන්තියට සංශෝධනයක් ගෙන ඒම මෙය ඉදිරිපත් කිරීමේ අරමුණ බව ද ඔහු කීය. 

අධිකරණයේ විභාග වූ නඩු තීන්දුවලින් මතු වූ නීති සිද්ධාන්ත නිසා මේ පනතට සංශෝධනයක් ඉදිරිපත් කළ යුතු බවට නීතිපතිවරයා යෝජනාවක් කළේය. ඒ අනුව මුල් ආඥා පනතේ 15 වැනි වගන්තිය රාජ්‍ය හෝ වෛවාහක කාරණාවලට බලපෑම් නොවිය යුතු බව මේ සංශෝධනයේ විස්තර කෙරෙනවා. රාජ්‍යයේ අන්සතු කළ හැකි හෝ අන්සතු කළ නොහැකි අයිතිවාසිකම්වලට කාලාවරෝධ තත්ත්වය බලනොපෑයුතු බව මේ සංශෝධනයෙන් ප්‍රකාශ වේ. වසර 10ක කාලයක් ඉක්මගිය පසුවද රජයේ අයිතිවාසිකම්වලට හිමිකම් කීමට අයිතියක් ඇති වන්නේ නැතැයි ඔහු කීවේය.