ත්‍රිවිධ හමුදාවේ, පොලිසියේ සහ සිවිල් ආරක්ෂක දෙපාර්තමේන්තුවේ රණවිරුවන් වෙනුවෙන් සම්පූර්ණ නිවාස 100ක් අර්ධ වශයෙන් ඉදිකර ගත් නිවාස සම්පූර්ණ කර දීමේ ප්‍රතිලාභ 800 ක්, රණවිරු දරුවන් වෙනුවෙන් විරු සිසු ප්‍රදීප ශිෂ්‍යාධාර 279 ක්, පදිංචිය සදහා ඉඩම් නොමැති රණවිරුවන් සදහා ඉඩම් කොටස් 84 ක් ප්‍රදානය කිරීම මෙහිදී සිදු විය.
05 ශ්‍රේණියේ ශිෂ්‍යත්ව විභාගය සමත් රණවිරු දරුවන් 279 දෙනෙකුගේ ඉදිරි අධ්‍යාපන කටයුතු සදහා ලබා දෙන ලද ,විරු සිසු ප්‍රදීප, ශිෂ්‍යාධාර සදහා ජාතික ආරක්ෂක අරමුදලේ ප්‍රතිපාදන මත වැය කර ඇති මුදල රුපියල් ලක්ෂ 69 කට අධිකය.
රජයේ ඉඩම් ලබාදීමේ වැඩසටහන යටතේ ගල්නෑව, රස්නායකපුර හා කොටවෙහෙර ප්‍රාදේශීය ලේකම් කොට්ඨාසවලින් පදිංචියට ඉඩම් නොමැති රණවිරුවන් වෙනුවෙන් ඉඩම් කොටස් 84ක් ලබා දීම සදහා වූ හිමිකම්පත් ලබා දීම ද සිදු කෙරිණි.
ප්‍රතිලාභ ප්‍රදානය සංකේතවත් කරමින් කිහිප දෙනෙකු වෙත ප්‍රතිලාභ ප්‍රදානය ජනාධිපතිතුමා අතින් සිදු විය.
ආරක්ෂක රාජ්‍ය අමාත්‍ය රුවන් විෙජ්වර්ධන, ආරක්ෂක අමාත්‍යාංශයේ ලේකම් කපිල වෛද්‍යරත්න යන මහත්වරුන් ද ආරක්ෂක මාණ්ඩලික ප්‍රධානී අද්මිරාල් රවින්ද්‍ර විෙජ්ගුණරත්න මහතා ඇතුථ ත්‍රිවිධ හමුදාපතිවරුන්, සිවිල් ආරක්ෂක දෙපාර්තමේන්තුවේ අධ්‍යක්ෂ ජනරාල්. පොලිස්පති ඇතුථ ආරක්ෂක අංශ ප්‍රධානින් මීට එක්ව සිටියහ.
( ඡායාරූප : කපිල ආරියවංශ - ජනාධිපති මාධ්‍ය අංශය )
