ඊයේ දිනට යෙදී තිබූ ජාත්‍යන්තර ඕසෝන් දිනය හා මොන්ටි්‍රයල් සන්ධානයේ 31 වන සංවත්සරයට සමගාමීව මෙය සංවිධානය කර තිබුණි.
මහාචාර්ය චන්දන ජයරත්න මහතා විසින් මෙම උත්සවයේ ආරාධිත දේශනය සිදු කරනු ලැබීය.
ඕසෝන් දිනය නිමිත්තෙන් පාසල් දරුවන් වෙනුවෙන් දීප ව්‍යාප්තව පවත්වන ලද තරගවල ජයග්‍රාහකයින්ට තිළිණ ප්‍රදානය කිරීම ද ජනාධිපතිතුමා අතින් සිදු කෙරිණි.
ශ්‍රී ලංකා රේගුවට ශීතකාරක හදුනාගැනීමේ උපකරණ ලබාදීම හා තාක්ෂණික සිසුන්ගේ අධ්‍යාපන කටයුතු සදහා තාක්ෂණික ආයතන 02කට වායු සමීකරණ යන්ත්‍ර 02 ක් ලබාදීම ඇතුථ වැඩසටහන් ද ජනාධිපතිතුමාගේ ප්‍රධානත්වයෙන් සිදු විය.
පරිසර නියෝජ්‍ය අමාත්‍ය අජිත් මාන්නප්පෙරුම, මහවැලි සංවර්ධන හා පරිසර අමාත්‍යාංශයේ ලේකම් අනුර දිසානායක යන මහත්වරුන් ඇතුථ පිරිසක් මීට එක්ව සිටියහ.
