ගාසා තීරයේ වත්මන් ගැටුම්වලින් මියගිය පලස්තීන වැසියන් ගැන සිය කනගාටුව පළ කරන ජනාධිපති මහින්ද රාජපක්ෂ මැතිතුමා එහි වත්මන් තත්ත්වය සම්බන්ධයෙන් පලස්තීන ජනාධිපති මොහොමඩ් අබ්බාස් මැතිතුමාගෙන් විමසීමක් ද කළේය.
ජනාධිපතිතුමා අද (15) පෙරවරුවේ දූරකතනයෙන් පලස්තීන ජනාධිපතිතුමා හා සම්බන්ධ වෙමින් මේ බව පවසා ඇත.
සතියකට අධික කාලයක සිට ඊශ‍්‍රායලය විසින් පලස්තීන ගාසා තීරය ඉලක්ක කර ගනිමින් ප‍්‍රහාර එල්ලකරන අතර එයින් මියගිය සාමාන්‍ය වැසියන් සංඛ්‍යාව 170 ඉක්මවන අතර තුවාල ලැබූවන් ගණන 1000කට අධිකය. ගාසා තීරය ඉලක්ක කර ගනිමින් ප‍්‍රතිමිසයිල පද්ධතියක් ද ස්ථාපිත කර ඇති ඊශ‍්‍රායලය ප‍්‍රහාර දිගටම සිදුකරන බව විදෙස් මාධ්‍ය වාර්තා පෙන්වා දෙයි.
NDH/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
