රටටත් ජනතාවටත් සෙත් පැතීමට හා වැසි දියෙන් කෙත් වතු සරුසාර කිරීමට ප‍්‍රාර්ථනා කෙරුණු විශේෂ දේව පූජාවක් ඊයේ (24) පෙරවරුවේ පොළොන්නරුව සොරිවිල ශ්රී මුත්තුඅම්මාන් දේවස්ථානයේදී පැවැත්වුණු අතර ජනාධිපති මෛත‍්‍රීපාල සිරිසේන මැතිතුමා ද එම අවස්ථාවට එක් විය.
දේව පූජාව සඳහා සපැමිණි ජනාධිපතිතුමා හින්දු චාරිත‍්‍රානුකූලව පිළිගන්නා ලද අතර අනතුරුව පැවති විශේෂ දේව පූජාවට ජනාධිපතිතුමා එක් විය.
මහවැලි බී හා සී කලාපවල ගොවි ජනතාව එක්ව මෙම ආගමික වැඩසටහන සංවිධානය කර තිබුණි.
මීට සමගාමීව අද සවස 6.00 සිට මධ්‍යම රාත‍්‍රිය දක්වා පරාක‍්‍රම සමුද්‍රයේ ඩී.එස්. සේනානායක පිළිරුව අසළ භික්ෂූන් වහන්සේ පණස් නමකගේ සහභාගිත්වයෙන් වැසි පිරිත් සජ්ජායනයක් ද පැවැත්වෙන අතර පසුදින (25) පෙරවරුවේ සංඝයා වහන්සේලා සිය නමක විෂයෙහි හීල්දානමය පුණ්‍ය කර්මයක් ද පැවැත්වීමට නියමිතව තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
