පළාත් පාලන මැතිවරණය කිසිසේත් කල්දැමීමට සූදානමක් නැතැයි පළාත් පාලන හා පළාත් සභා අමාත්‍ය ෆයිසර් මුස්තාපා මහතා අද (29) පාර්ලිමේන්තුවේ දී ප්‍රකාශ කළේ ය.
පාර්ලිමේන්තු මන්ත්‍රී දිනේෂ් ගුණවර්ධන මහතා විසින් පළාත් පාලන මැතිවරණය කල්දමා ඇත්තේ මන්දැයි විමසූ පැනයකට පිළිතුරු ලබාදෙමින් අමාත්‍යවරයා මේ පැහැදිළි කිරීම සිදුකළේ ය.
මැතිවරණය කල්දැමීමට කිසිදු ලෙසකින් තමන් කටයුතු කර නොමැති බව කී අමාත්‍යවරයා, සීමා නීර්ණ වාර්තා සම්බන්ධයෙන් වන අභියාචනා ක්‍රියාදාමය අවසන් වූ වහාම ඡන්දය පැවැත්වීමට කටයුතු කරන බව ද අමාත්‍යවරයා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
