කතානායකවරයා මේ බව පැවසුවේ අද (21) පාර්ලිමේන්තුවේදී විනාඩි 15කට කල් තැබූ පාර්ලිමේන්තු සභාව යළි ආරම්භ කරන අවස්ථාවේදීය. ඒ අනුව පෙරවරු 11.50ට සභාව යළි රැස්විය.

මෙහිදී අදහස් දැක්වූ සභානායක, අමාත්‍ය ලක්ෂ්මන් කිරිඇල්ල මහතා පැවසුවේ ජනාධිපතිවරයා 19 වන ආණ්ඩුක්‍රම ව්‍යවස්ථා සංශෝධන කෙටුම්පත ඉදිරිපත් කිරීමට බලා‍පොරොත්තුවෙන් සිටින බව පැවසීය.

අපි දෙගොල්ලොම සභාවේ කටයුතු කර ගෙන යාමට නම් නම්‍යශීලී විය යුතුයි. ජනාධිපතිතුමා මෙන් ම අග්‍රාමාත්‍යවරයා ද මේ අවස්ථාවේ පාර්ලිමේන්තුවේ සිටින නිසා වැඩිදුර සාකච්ඡා කිරීම කළ යුතු බවත් ජනාධිපතිතුමා පාර්ලිමේන්තුවේ රැදී සිටින නිසා සියලු දෙනා ගොස් සාකච්ඡා කරවෙත දැනුම් දෙන ලෙස කතානායකවරයා මෙහිදී පැවසීය.

විනාඩි 15කට කල් තැබූ පාර්ලිමේන්තුව යළි රැස්වුවත් නැවත පස්වරු 12.30 දක්වා විනාඩි 30කට කල් තැබීමට කතානායකවරයා කටයුතු කළේය.