මන්ත්‍රීවරයා මේ බව පැවසුවේ අද (06) පාර්ලිමේන්තුවේදී ජාතික මංමාවත් පනතේ නියෝග පිළිබඳ විවාදයට එක්වෙමිනි.
මේ රට ආර්ථික වශයෙන් දියුණු කරන්න කටුනායක අධිවේගී මාර්ගය ඉදිකිරීමට පියවර ගත්තා. මේ රටේ මාර්ග පද්ධතිය ඇති කරන සංවර්ධනය ජනතාවට මතක හිටින කරුණක් බවද ඔහු පැවසීය.
අද මේ රටේ සෑම උප ප්‍රධාන මාර්ගයක්ම ප්‍රතිසංස්කරණය වී ඇත. ගාල්ල, ඔලුවිල්, කන්කසන්තුරේ ඇතුළු දිවයිනේ සියලුම වරායවල් දියුණු කිරීමට පියවර ගෙන ඇත. මංමාවත්, ජල සම්පාදනය, විදුලි බලාගාර දියුණුව මීට අවුරුදු 5කට පෙර තිබුණාට වඩා තුන් හතර ගුණයකින් වැඩි වී තියෙනවා. ඇමරිකන් ඩොලර් මිලියන 400ක ආයෝජනයක් ලෙස ගාලු වරාය දියුණු කර සංචාරක ආකර්ෂණය දිනාගත හැකි පරිදි වැඩිදියුණු කිරීමටත් ඉතා ආකර්ෂණීය නගරයක් ලෙස ගාලු නගරය සංවර්ධනයටත් පියවර ගන්නා බව ද ඔහු අවධාරණය කළේය.
අද සමාජ, අධ්‍යාපනික, ආර්ථික වශයෙන් මේ කලාපයේ අනෙකුත් රටවල් අභිබවා යාමට මේරටට හැකි වී ඇති බවත් මහින්ද රාජපක්ෂ රජයට මේ රට ලෝකයේ දියුණු රටක් බවට පත් කරන්න හැකියාවක් ඇතැයි විශ්වාස කරන බවත් මන්ත්‍රීවරයා වැඩිදුරටත් පැවසීය.
NDH/HC
