ජනාධිපති මෛත‍්‍රීපාල සිරිසේන මැතිතුමා මෙම කරුණ අවධාරණය කළේ බි‍්‍රතාන්‍ය නිල සංචාරය අතරතුර බී.බී.සී. සිංහල විකාශය සමඟ ලන්ඩන් නුවරදී පැවති සම්මුඛ සාකච්ඡාවේදීය.
මෙම පරීක්ෂණ කමිටුවට නිසි වගකීම් භාර දී කමිටුව විසින් කළ යුතු කාර්යයන් මොනවාද යන්න පිළිබඳ ව හොඳින් හඳුනාගෙන ඉලක්කගත වැඩසටහන් ක‍්‍රියාත්මක කිරීමට බලාපොරොත්තු වන බව සඳහන් කළ ජනාධිපතිතුමා එක්සත් ජාතීන්ගේ සංවිධානය දරන අදහස් සැලකිල්ලට ගෙන එම යාන්ත‍්‍රණය ශක්තිමත් කිරීමට කටයුතු කරන බැවින් මෙම පරීක්ෂණ කටයුතු සඳහා විදේශීය කිසිවෙකු දායක කර ගැනීමේ අවශ්‍යතාවක් පැන නොනගින බවත් සඳහන් කළේය.
බි‍්‍රතාන්‍ය අග‍්‍රාමාත්‍ය ඩේවිඩ් කැමරන් මහතාගේ හමුව වඩාත් ඵලදායී හමුවක් බවත් යුද සමයේ, පශ්චාත් යුද සමයේ සේම ශ‍්‍රී ලංකාවේ වර්තමාන තත්ත්වය පිළිබඳවත් එතුමා ඉතාම හොඳ අවබෝධයකින් පසුවන බවත් සඳහන් කළ ජනාධිපතිතුමා ලෝකයේ සෑම රටක්ම වත්මන් රජයේ නව වැඩපිළිවෙළ පිළිබඳ ව අවධානයෙන් පසුවන බවත් මෙහිදී වැඩිදුරටත් සඳහන් කළේය.
NDH/priu
