'සිලෝන් ටී එක්ස්පෝ ප්‍රදර්ශනය' (Ceylon Tea Expo Exhibition) 2015 දී නොපවත්වා 2017 දී ශ්‍රී ලංකාවේ දී පැවැත්වීමට පියවර ගෙන ඇති බව කැබිනට් මාධ්‍ය ප්‍රකාශක අමාත්‍ය රාජිත සේනාරත්න මහතා ඊයේ (05) රජයේ ප්‍රවෘත්ති දෙපාර්තමේන්තුවේ දී පැවැති අමාත්‍ය මණ්ඩල තීරණ දැනුම් දීමේ මාධ්‍ය හමුවේ දී පැවසීය.
ජාත්‍යන්තර වෙළඳපොළ තුළ ශ්‍රී ලංකා තේ (Ceylon Tea) ප්‍රවර්ධනය සඳහා දොරටුව විවෘත කිරීමට සහ ලංකා තේ සඳහා ජාත්‍යන්තරය තුළ ඉහළම මිලක් ලබා ගැනීමේ අපේක්ෂාවෙන් මෙම ප්‍රදර්ශනය ශ්‍රී ලංකාවේ දේශීය තේ නිෂ්පාදකයන්, අපනයනකරුවන් හා තේ කර්මාන්තය හා සම්බන්ධ සියලු පාර්ශවයන්ගේ දායකත්වයෙන් මෙම ප්‍රදර්ශනය පැවැත්වීමට රජය පියවර ගෙන ඇති බව, අමාත්‍යවරයා මෙහිදී සඳහන් කළේය.
2017 දී ශ්‍රී ලංකාව වාණිජ කර්මාන්තයක් ලෙස තේ කර්මාන්තය හඳුන්වා දී වසර 150 ක් සම්පූර්ණ කරයි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
