1988 අංක 16 දරන පනතින් සංශෝධනය කරන ලද 1981 අංක 15 දරන ජනාධිපතිවරයා තෝරාගත් කර ගැනීම පිළිබඳ පනතේ 119ආ වගන්තිය යටතේ ඒ සම්බන්ධ ප්‍රතිපාදන සලසා ඇත.
මේ සඳහා අවශ්‍ය ඉල්ලුම්පත් සියලු ම දිස්ත්‍රික්කවල තේරීම්භාර නිලධාරී සහ ප්‍රාදේශීය ලේකම් හා ග්‍රාම නිලධාරී කාර්යාලවලින් ලබාගත හැකිය. නීත්‍යානුකූල ව නාමයෝජනා දැන්වීමේ දින සිට දින 07ක් ඇතුළත අදාළ ඉල්ලුම්පත්‍ර මැතිවරණ කොමසාරිස්, මැතිවරණ මහ ලේකම් කාර්යාලය, සරණ මාවත, රාජගිරිය යන ලිපිනයට එවිය යුතුය. නමුත් එම කාලසීමාව 2014.11.30දක්වා දීර්ඝ කොට ඇත.
ඉල්ලුම්කරු පදිංචි ප්‍රදේශයේ ග්‍රාම නිලධාරි ලවා ඉල්ලුම් පත්‍ර සහතික කරවා ගත යුතු අතර ජාතික හැඳුනුම්පත් අංකය ඉල්ලුම්කරු විසින් ඉල්ලුම් පත්‍රයේ සඳහන් කිරීම අත්‍යාවශ්‍යය. ග්‍රාම නිලධාරී සහතිකය නොමැති ඉල්ලුම්පත්‍ර ප්‍රතික්ෂේප කරනු ලැබේ.
ඉල්ලුම්කරුවන් විසින් 2014 වසරේ ඡන්ද හිමි නාමලේඛනය පදනම් කරගෙන ඡන්ද හිමි නාමලේඛනයේ ඇතුලත් තොරතුරු ඉල්ලුම්පත්වල සැපයිය යුතු අතර එම නාමලේඛන සියලු ම දිස්ත්‍රික් ලේකම් කාර්යාලවල, කච්චේරිවල සහ සියලු ම දිස්ත්‍රික් මැතිවරණ කාර්යාලවල තබනු ඇත.
DB
