2014 ජනවාරි 01 සිට 2014 අගෝස්තු 20 දක්වා කොමිෂන් සභාවේ ජංගම පරීක්ෂණ ඒකකය විසින් සිදු කරන ලද වැටලීම්වලදී අසීමිත ලෙස මගීන් පටවාගෙන යන ලද මෙම බස් රථ හසු කරගනු ලැබ ඇත. මෙලෙස අසීමිත ලෙස මගී නංවාගෙන යාමේ වරද සිදු කළ ඇතැම් බස් රථ එක්වරකට වඩා එම වරද සිදු කළ අවස්ථා ද ඇති අතර, එවැනි බස් රථ 72ක් මේ අතර වේ.
මගී ප්‍රවාහනය කරන අතරතුර වැරදි කරන බස් රථ වැටලීම් කඩිනම් කරන ලෙස ජාතික ගමනාගමන කොමිෂන් සභාවේ සභාපති රේණුක පෙරේරා මහතා විසින් ජංගම පරීක්ෂණ අංශය වෙත උපදෙස් දෙනු ලැබ තිබේ.
ඒ අනුව මේ වන විට ජංගම පරීක්ෂණ අංශය විසින් දීප ව්‍යාප්තව අඛණ්ඩව වැටලීම් සිදු කරනු ලබයි.
මේ අතර අසීමිත ලෙස මගීන් නංවාගෙන ධාවනයේ යෙදුණු සුඛෝපභෝගී බස් රථ 31ක් ද අදාළ කාලසීමාව තුළ සිදු කළ වැටලීම්වලදී හසු වී තිබෙන අතර, ධාවන බලපත්‍ර කොන්දේසි උල්ලංඝනය කිරීමේ වරදට එම බස් රථවලට එරෙහි ව ද කටයුතු කර තිබේ.
ECB
