මෙය එහි ආරම්භක පියවරක් බවත් අමාත්‍යවරයා පෙන්වා දුන්නේය. එමෙන් ම කාලගුණික සහ දේශගුණික විපර්යාසයන් පිළිබඳව ජනතාව අවධානයෙන් සිටිය යුතු බව ද ඒ මහතා අවධාරණය කළේය.
දිවි නැගුම සංවර්ධන දෙපාර්තමේන්තුවේ, අතිරේක ලේකම් නීතිඥ ආර්.පී. බන්දුල, ශ්‍රී ලංකා පදනම් ආයතනයේ පුහුණු ප්‍රධානි අජිත් ජයවර්ධන සහ මධ්‍යම පරිසර අධිකාරියේ ගම්පහ දිස්ත්‍රික් කාර්යාලයේ නියෝජ්‍ය අධ්‍යක්ෂ චතුර මල්වාන යන මහත්වරුන් විසින් මෙදින පරිසර සංරක්ෂණය, පරිසර කළමනාකරණය සහ ගෘහස්ථ සකසුරුවම්කම පිළිබඳව දේශන පවත්වන ලද අතර, ජාතික ඩෙංගු මර්දන ඒකකයේ අධ්‍යක්ෂ, වෛද්‍ය හසිත තිසේරා මහතා විසින් මාරාන්තික ඩෙංගු උවදුර පිළිබඳව සමෘද්ධි සංවර්ධන ක්‍රියාකාරීන් දැනුවත් කිරීම සිදු කරන ලදී.
පරිසර හා පුනර්ජනනීය බලශක්ති අමාත්‍ය සුසිල් ප්‍රේමජයන්ත මහතාගේ ප්‍රධානත්වයෙන් පැවැති මෙම වැඩසටහන සඳහා මධ්‍යම පරිසර අධිකාරියේ සභාපති ඩබ්.ඩී. ප්‍රතාපසිංහ, අධ්‍යක්ෂ ජනරාල් වෛද්‍ය සාරංග අලහප්පෙරුම, දිවි නැගුම සංවර්ධන දෙපාර්තමේන්තුවේ නිලධාරීන්, කඩුවෙල ප්‍රාදේශීය ලේකම් කාර්යාලයේ නිලධාරීන්, මධ්‍යම පරිසර අධිකාරියේ නිලධාරීන්, සමෘද්ධි සංවර්ධන නිලධාරීන් සහ සමෘද්ධි සංවර්ධන ක්‍රියාකාරීන් 600ක් පමණ සහභාගී වූහ.
ECB
