1839 වසරේ අද වැනි දිනක ප්‍රංශ රජය විසින් ලෝක ඡායාරූප දිනය ප්‍රකාශයට පත් කර ඇත. Joseph Nicèphore Nièpce සහ Louis Daguerre විසින් ඩැගියෝ චිත්‍රය (Daguerreotype) සොයාගැනීමත් සමඟ ඡායාරූපකරණය ආරම්භ වීම හේතුවෙන් ලෝක ඡායාරූප දිනය බිහි විය. ඩැගියෝ චිත්‍ර (Daguerreotype) ක්‍රමය යනු ලොව පළමු ප්‍රායෝගික ඡායාරූපකරණ ක්‍රියාවලිය වේ. ප්‍රංශ විද්‍යා පීඨය විසින් ඩැගියෝ චිත්‍ර (Daguerreotype) ක්‍රමය ප්‍රකාශයට පත් කෙරූ පසු ප්‍රංශ රජය පේටන්ට් බලපත්‍රය ලබාගෙන එය මිලට ගෙන මෙම දිනය ලෝකයට දායාද කරන ලදී.
අවුරුදු 90කට පෙර ලොව පළමු වාණිජ කැමරාව වන මිලිමීටර් 35 පටල කැමරාව නිපදවා ඇත. ඩිජිටල් කැමරාව මීට වසර 20කට පෙර ලොවට හදුන්වා දුන් අතර මීට අවුරුදු 15කට පෙර ජංගම දුරකතන කැමරා බිහි විය. මේ වනවිට ලොව වෙසෙන ලොකු කුඩා සැමට ඡායාරූපකරණය සාමාන්‍ය ක්‍රියාවක් බවට පත්ව තිබේ.
දෘශ්‍ය මාධ්‍ය තුළින් සන්නිවේදනය හැකියාව ලැබීම පිළබඳ මෙම ලෝක ඡායාරූප දිනය මඟින් සමරනු ලැබේ.
ලෝක ඡායාරූප දිනය ඡායාරූපකරණයට ඇළුම් කරන ඡායාරූප ශිල්පීන් දේශීයව හා විදේශීයව තම ඡායාරූපකරණ අත්දැකීම්, නව සොයාගැනීම්, දැනුම තුළ එක් සංධිස්ථානයට ගෙන් එන්නට දරන වෑයමක් බව ලෝක ඡායාරූප සංගමය (World Photography Organisation -WPO) පවසයි.
SDF
