අමාත්‍යවරයා මේ බව ප්‍රකාශ කළේ අද (07) ජනමාධ්‍ය හා ප්‍රවෘත්ති අමාත්‍යංශයේ පැවති කැබිනට් තීරණ දැනුම්දීමේ ප්‍රවෘත්ති සාකච්ඡාවට එක්වෙමිනි.
මෙහිදී ජාතික නිදහස් පෙරමුණ විසින් ජනාධිපතිතුමා වෙත භාර දී ඇති යෝජනාවලිය සම්බන්ධයෙන් මාධ්‍ය විසින් විවිධ චෝදනා එල්ල කළ අතර මේ වනතුරුත් නිල වශයෙන් කුමන පක්ෂයකින් හෝ එවැනි යෝජනාවලියක් ජනාධිපතිතුමා වෙත භාර දී නොමැති බවත් එවැන්නක් ඉදිරිපත් වුවහොත් එ සම්බන්ධයෙන් සාකච්ඡා පවත්වන බවත් අමාත්‍යවරයා ඒ සඳහා පිළිතුරු දෙමින් පැවසීය.
විදේශ සේවයේ දූත මණ්ඩල ප්‍රධානීන් පත් කිරීම ව්‍යවස්ථානුකූලව ජනාධිපතිතුමා සතු බලයක් බවත් එය එසේ වුවත් එම සියලු පත්කිරීම් පාර්ලිමේන්තුවේ කමිටුවක් හරහා තීරණය කරන්නක් බවත් අමාත්‍යවරයා මෙහිදී පැනයකට පිළිතුරු දෙමින් පැවසීය.
විදේශ කටයුතු අමාත්‍යංශය මඟින් මෙන් ම ජනාධිපතිතුමා විසින් ද විදෙස් දූත මණ්ඩල සඳහා නිලධාරීන් පත් කිරීමේ කටයුතු සිදු කරනු ලබන බව පෙන්වා දුන් අමාත්‍යවරයා එම සියලු පත්වීම් පාර්ලිමේන්තු කමිටුව අනුමත කරන බවත් පැවසීය.
DB
