අද (06) බත්තරමුල්ලේ පිහිටි ජාතික නිදහස් පෙරමුණ පක්ෂ ප‍්‍රධාන කාර්යාලයේදී පැවැති විශේෂ මාධ්‍ය හමුවකදී විමල් වීරවංශ අමාත්‍යවරයා මේ බව පෙන්වා දුන්නේය.
"පසුගිය මැයි 05 වැනිදා කොළඹ සුගතදාස ගෘහස්ථ ක‍්‍රීඩාංගණයේදී පැවැති අප පක්ෂයේ දෙවැනි ජාතික මහා සමුළුවේදී ජනාධිපතිතුමන් හා ආණ්ඩුව වෙත යෝජනාවලියක් ඉදිරිපත් කරනු ලැබුවා. රටේ සමාජ, ආර්ථික, සංස්කෘතික හා සදාචාරමය ක්ෂේත‍්‍රවල පැන නැගි තිබෙන ගැටලු සැලකිල්ලට ලක් කරලා ඒ ගැටලුවලට විසඳුම් ලබා දෙන යෝජනා 12ක් තමයි අපි ඉදිරිපත් කරනු ලැබුවේ.
එම යෝජනා 12 ජනාධිපතිතුමන් සහ එතුමන් පත් කරන ලද කමිටුව විසින් මීට ඉහතදී ප‍්‍රතිපත්තිමය වශයෙන් පිළිගනු ලැබූ බවත් එසේ ප‍්‍රතිපත්තිමය වශයෙන් පිළිගැනීමෙන් අනතුරුව, ඊට අදාළ ක‍්‍රියාකාරී සැලැස්ම ජනාධිපතිතුමා විසින් නම් කළ කමිටුවට ඉදිරිපත් කිරීමෙන් අනතුරුව ඒ සඳහා පූර්ණ වශයෙන් එකඟතාව පළ කෙරුණු බවත් අමාත්‍යවරයා මෙහිදී වැඩිදුරටත් පැවසීය.
DB
