එමෙන් ම මේ මස 5 සිට 29 දින දක්වා අපොස උසස් පෙළ විභාගයත්, මෙම මස 17දා පහ ශ්‍රේණියේ ශිෂ්‍යත්ව විභාගයත් පැවැත්වෙන හෙයින් එයට බාධාවන කිසිදු කටයුත්තක් නොකරන ලෙසත් දේශපාලන පක්ෂවලින් හා ආධාරකරුවන්ගෙන් හෙතෙම වැඩිදුරටත් ඉල්ලා සිටියි.
නාමයෝජනා භාර දීම සිදුවන අගෝස්තු පස්වන දින හා හයවන දින දෙක තුළදී අපොස උසස් පෙළ විභාගය පැවැත්වෙන හෙයින් එම විභාගය පැවැත්වෙන දින දෙකේ දී නාමයෝජනා දීම අවසන්වී තමන්ගේ ශක්තිය පෙන්වීමට අපේක්ෂකයන් රථ පෙළපාළි හෝ වෙනත් පෙළපාළි පැවැත්වීමෙන් වැළකී සිටින ලෙස ද පහ ශ්‍රේණිය ශිෂ්‍යත්ව විභාගය පැවැත්වෙන්නේ මේ මස 17 වනදා හෙයින් දේශපාලන පක්ෂ ලේකම්වරුන් සමඟ පැවැති සාකච්ඡාවේ දී තීරණය කරගත් පරිදි මේ මස 16 පස්වරු 6.00 සිට 17 වෙනිදා පස්වරු 2.00 දක්වා කිසිදු දේශපාලන කටයුත්තක් කිරීමෙන් වැළකී සිටීමට අවශ්‍ය පියවර ගන්නා ලෙස එකඟ වූ පරිදි කටයුතු කරන ලෙස සියලු දේශපාලන පක්ෂවලින් හා ආධාර කරුවන්ගෙන් මැතිවරණ කොමසාරිස් වරයා තවදුරටත් ඉල්ලා සිටියි.
ECB
