විවිධ හේතු මත පොදුරාජ්‍ය මණ්ඩලයීය ක්‍රීඩා උළෙල සඳහා ජනාධිපති මහින්ද රාජපක්ෂ මැතිතුමා සහභාගි නොවන බවත් විශේෂයෙන් ම ආරක්ෂක හේතු මේ සඳහා බලපෑ බවත් ජනමාධ්‍ය හා ප්‍රවෘත්ති අමාත්‍ය ආචාර්ය කෙහෙළිය රඹුක්වැල්ල මහතා පැවසීය.
අමාත්‍යවරයා මේ බව පැවසුවේ අද (31) කොළඹ පැවති කැබිනට් තීරණ දැනුම්දීමේ මාධ්‍ය හමුවේදි මාධ්‍යවේදියෙකු නැගූ ප්‍රශ්නයකට පිළිතුරු වශයෙනි.
ගිය වසරේදීත් මෙවැනි ගැටලුවක් පැන නැගුණා. විශේෂයෙන් ම ආරක්ෂක අංශයේ උපදෙස් අනුව මේ සඳහා සහභාගි නොවනු ඇත. පොදුරාජ්‍ය මණ්ඩලයීය ක්‍රීඩා උළෙල සඳහා සහභාගි නොවීම ගැන කනගාටුවක් නොමැති බවත් කනගාටු වන්නේ කොයි රටක හෝ සෑහීමකට පත් විය හැකි ආරක්ෂාවක් නැති එක ගැන බව ද අමාත්‍යවරයා පෙන්වා දුන්නේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
