නාලන්දා කණිෂ්ඨ ආදි ශිෂ්‍ය සංගමය විසින් වාර්ෂිකව සංවිධානය කරනු ලබන නාලන්දා රණ විරු උපහාර උළෙල අද (31) පෙරවරුවේ විද්‍යාලයීය රණ විරු ස්මාරකය අභියසදී පැවැත්විණි.
13 වන වරටත් පවත්වනු ලැබූ මේ සැමරුම් උත්සවය සඳහා මාතෘ භූමිය වෙනුවෙන් දිවි පිදූ ආදී නාලන්දීය රණ විරුවන් 41 දෙනෙකුගේ පවුල්වල සාමාජික සාමාජිකාවෝ සහභාගී වූහ.
මේ උත්සයට සමගාමීව මිය ගිය රණ විරුවන් වෙනුවෙන් ආබාධ සහිත පුද්ගලයන් සිටින රාජගිරියේ වික්ටෝරියා නිවාසයේ වෛද්‍ය කඳවුරක් හා දිවා ආහාර පිරිනැමීමක් රණ විරු පවුල්වල සහභාගිත්වයෙන් අද සිදු කෙරිණි.
මේ අවස්ථාවට ත්‍රිවිධ හමුදාවේ හා පොලිසියේ ජ්‍යෙෂ්ඨ නිලධාරීහු රැසක් සහභාගි වී සිටියහ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
