අද පෙරවරුවේ විහාරස්ථානය වෙත ගිය ජනාධිපතිතුමා ආගමික වතාවත්වල නිරතවීමෙන් අනතුරුව විහාරාධිපති බස්නාහිර පළාත් ප්‍රධාන අධිකරණ සංඝනායක, ගම්පහ දිස්ත්‍රික් පරිවේණාධිපති හා කෘත්‍යාධිකාරි සංගමයේ උප සභාපති ගෞරව ශ්‍රාස්ත්‍රවේදී, පූජ්‍ය තලංගල්ලේ සෝමසිරි ස්වාමීන්වහන්සේ බැහැ දැක, පිරිකර පූජා කරමින් උන්වහන්සේගේ ආශිර්වාදය ලබා ගත්තේය.
අනතුරුව ධර්ම දේශනය ශ්‍රවණය කිරීමට ද ජනාධිපතිතුමා එක්විය.
මෙවර ධර්ම දේශකයාණන් වහන්සේ වූයේ පූජ්‍ය ගලිගමුවේ ඥානදීප ස්වාමීන් වහන්සේය. උන්වහන්සේට ද පිරිකර සහ ධාතු කරඩුවක් ජනාධිපතිතුමා විසින් පූජා කරනු ලැබීය.
මැති ඇමතිවරු, ජනාධිපති කාර්යාලයේ ජ්‍යෙෂ්ඨ නිලධාරීන්, දහම්පාසල් දරු දැරියන් ඇතුඑ ප්‍රදේශවාසී සැදැහැවතුන් විශාල පිරිසක් මේ අවස්ථාවට එක්ව සිටියහ.
( ඡායාරූප : නිශංක ද සිල්වා - ජනාධිපති මාධ්‍ය අංශය )
