විගණන පනතින් තොරතුරු දැනගැනීමේ පනත සීමා කිරීමට රජයට කිසිම අඳහසක් නැතැයි මුදල් රාජ්‍ය අමාත්‍ය ඉරාන් වික්‍රමරත්න මහතා අද (5) පාර්ලිමේන්තුවේ දී ජාතික විගණන පනත් කෙටුම්පත දෙවැනිවර කියවීමේ විවාදයට එක්වෙමින් පැවසීය.
විවාදයේ දී තවදුරටත් අඳහස් දක්වූ අමාත්‍යවරයා මෙසේ ද පැවසී ය.
තොරතුරු දැනගැනීමේ පනත මේ මඟින් සීමාවන බවට මතයක් තිබෙනවා. එසේ කරන්නට කිසිදු අවශ්‍යතාවයක් නෑ. එම පනතත් අපේ ආණ්ඩුවෙන් ගෙනාවේ. තොරතුරු අධිකරණ කටයුත්තකට බාධවක් නම් එය හෙළි කිරීමට නොහැකියි. තොරතුරු දැනගැනීමේ පනතට බාධා නොවන පරිදි බලයක් විගණකාධිපතිට දිය යුතුයි. විගණන පනත් කෙටුම්පත ඉදිරිපත් කිරීම වැදගත් කාර්යභාරයක්. විගණන ක්‍රියාවලිය ශක්තිමත් කරන්න මේ පනත ගෙනාවා යැයි ද රාජ්‍ය අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
