ශ්‍රී ලංකා පොලිසියට අනුයුක්තව රාජකාරි කරනු ලබන සිවිල් නිලධාරින් හා පොලිස් නිලධාරින් එක්ව පිහිටුවන ලද “සහෘද අපි” යන සාමූහික සංසදයේ සංවිධානයෙන් සමස්ත පොලිස් නිලධාරින්ට හා ලක් වාසි සැමට සෙත්පතා සුමධුර ධර්මදේශනාවක් මැයි 04 ඊයේ දින ආමර් වීදියේ මුක්තාර් ප්ලාස් ගොඩනැගිල්ලේදි පවත්වන ලදි.
බම්බලපිටිය, වජිරාරාම විහාරවාසි, පුජ්‍ය මීගොඩ සුඛිත ස්වාමින් වහන්සේ විසින් මෙම ධර්ම දේශනාව පවත්වන ලද අතර පොලිස්පති, පූජිත් ජයසුන්දර මහතාගේ ප්‍රධානත්වයෙන් සිදුකරන ලදි.
මෙම අවස්ථාවට විනය හා කල්ක්‍රියා හා නීති දිසාව භාර නියෝජ්‍ය පොලිස්පති, රවී පීරිස්, සිවිල් පරිපාලන අධ්‍යක්‍ෂ, වජිර ගුණවර්ධන යන මහත්වරුන් ඇතුළු පොලිස් නිලධාරින් මෙන්ම සමස්ත සිවිල් නිලධාරින් විශාල පිරිසක් සහභාගි වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
