මේ අනුව, පළාත් නවයම ආවරණය වන පරිදි මාර්ග ආරක්ෂණ ඒකක පිහිටුවා පළාත් මාර්ග ආරක්ෂණ සැලැස්ම සකස් කිරීමට කටයුතු කරන බව මාර්ග ආරක්ෂාව පිළිබඳ ජාතික සභාවේ සභාපති නීතිඥ ගාමිණි ඒකනායක මහතා පවසයි. මේ යටතේ, පළාත් මාර්ග ආරක්ෂණ ඒකක බස්නාහිර, දකුණ හා මධ්‍යම යන පළාත්වල පිහිටුවා ඇති අතර මෙම පළාත් තුනෙහිම මේ වන විට වැඩමුළු පවත්වා මාර්ග ආරක්ෂණ සැලැස්ම සකස් කරමින් පවතී.
මේ යටතේ වයඹ පළාත් මාර්ග ආරක්ෂණ සැලැස්ම සකස් කිරීමේ වැඩමුළුවක් ජූලි 11 වන දින පෙ.ව. 9.00ට කුරුණෑගල වැව රවුමේ, මහගෙදර නිවාඩු නිකේතනයේදී වයඹ පළාත් මාර්ග සංවර්ධන, ප‍්‍රවාහන, විදුලිබල, නිවාස සහ ඉදිකිරීම් අමාත්‍ය ගුණදාස දෙහිගම මහතාගේ ප‍්‍රධානත්වයෙන් පැවැත්වේ.
