මෙම පනත පාර්ලිමේන්තුවට ඉදිරිපත් කරනු ලැබූයේ එවකට අග්‍රාමාත්‍ය සිරිමාවෝ බණ්ඩාරනායක මැතිනියගේ රජය යටතේ රජයේ වෙළඳ, ආහාර සමූපකාර හා නාවික කටයුතු අමාත්‍යව සිටි ටී.බී.ඉලංගරත්න මහතා විසිනි.මහජන බැංකුවේ ප්‍රථම සභාපතිවරයා වූයේ එවකට සමූපකාර ක්ෂේත්‍රයේ විශාල මෙහෙයක් සිදු කරමින් සිටි වින්සන්ට් සුබසිංහ මහතාය.
ප්‍රථම මහජන බැංකු ශාඛාව කොළඹ ආදිපාද වීදියේ පිහිටුවනු ලැබූ අතර, එම වසරේදී ම මාතලේ, මහනුවර, පොලොන්නරුව, හිඟුරක්ගොඩ, හම්බන්තොට, අනුරාධපුරය හා පුත්තලම යන පිට පළාත්වලද සිය ශාඛාවන් ආරම්භ කළේය.දැනට දිවයිනපුරා මහජන බැංකු ශාඛා 740කට ආසන්න සංඛ්‍යාවක් පිහිටුවා ඇති අතර සමස්ත ගනුදෙනුකාර ප්‍රජාව මිලියන 13කට ආසන්න වේ.
ඉංග්‍රීසි භාෂාවෙන් පමණක් මුද්‍රිත චෙක්පත් වෙනුවට භාෂා තුනෙන් ම මුද්‍රිත චෙක්පත් හඳුන්වා දීමේ ගෞරවයද හිමිවනුයේ මහජන බැංකුවටයි. දිවා රාත්‍රි ක්‍රියාත්මක දිවයිනපුරා ස්ථාපිත කර ඇති මහජන බැංකුවේ ස්වයංක්‍රීය ටේලර් යන්ත්‍ර සංඛ්‍යාව 400 ඉක්මවා ඇත. මීට අමතරව පරිගණක හා ටේලර් යන්ත්‍ර සහිත මාර්ගගත ජංගම බැංකු සේවාවක් ද දිවයිනපුරා සේවයේ යොදවා ඇති අතර, මේ මගින් ඕනෑම ස්ථානයක සිට බැංකු පහසුකම් ලබා ගැනීමට ගනුදෙනුකරුවන්ට හැකි වේ.
ECB
