නිල ඇඳුම් වවුචර්පත් දරුවන් අතට පත්කිරීම සියලු ම විදුහල්පතිවරුන්ගේ වගකීමක් වන අතර, (පාසල් සිසුන් වෙනුවෙන් නිල ඇඳුම් තිළිණපත් ලබාදීම -2017 ) චක්‍රලේඛයෙහි එය පැහැදිලිව දක්වා තිබේ.
එමෙන් ම දරුවන් වෙනුවෙන් වෙන් වූ නිල ඇඳුම් වවුචර් පත් ඔවුන් අතට පත් නොකොට තම අභිමතය පරිදි යොදා ගැනීමට කටයුතු කිරීම ආයතන සංග්‍රහය යටතේ රජයේ දේපළ සාවද්‍ය පරිහරණය කිරීම නමැති වරදට ද අයත් වන්නක්.
මේ වනවිට නිල ඇඳුම් වවුචර් දරුවන් අතට පත්කිරීමේ දී අදාළ චක්‍රලේඛ උල්ලංඝණය කරමින් කටයුතු කරන සහ විවිධ වංචනික ක්‍රියාවන්හි නිරත වන විදුහල්පතිවරුන් සහ පුද්ගලයින් පිළිබඳ ව අමාත්‍යාංශයේ ක්ෂණික ඇමතුම් අංකය වන 1988 ට තොරතුරු වාර්තා වී ඇති අතර, එම වාර්තාවන තොරතුරු පිළිබඳ අමාත්‍යාංශය පරීක්ෂණ දියත් කොට තිබේ.
මේ සම්බන්ධයෙන් වරදකරුවන් වන පුද්ගලයන්ට එරෙහිව නීතිය අකුරටම ක්‍රියාත්මක කරන ලෙසට අධ්‍යාපන අමාත්‍යවරයා ද නිලධාරීන්ට උපදෙස් ලබා දී බව අධ්‍යාපන අමාත්‍යාංශය වැඩිදුරටත් සඳහන් කරයි.
