අලුත්ගම සහ බේරුවල ප්‍රදේශවල මේ වනවිට සාමකාමී වාතාවරණයක් ඇති වී තිබෙන හෙයින් පනවා තිබූ පොලිස් ඇඳිරි නීතිය අද (18) උදෑසන 8.00 වනවිට ඉවත් කිරීමට කටයුතු යොදා ඇතැයි පොලිස් මාධ්‍ය ප්‍රකාශක කාර්යාලය පවසයි.
අලුත්ගම සහ බේරුවල ප්‍රදේශවල හටගත් නොසන්සුන්කාරී තත්ත්වයක් නිසා සාමය ආරක්ෂා කිරීමට පොලිස් ඇඳිරි නීතිය පසුගිය 15 වැනි දා පස්වරු 6.45 සිට ක්‍රියාත්මක විය.
පනවා තිබූ ඇඳිරි නීතිය කඩ කළ පුද්ගලයන් 41 දෙනකු ඊයේ වන විට අත්අඩංගුවට ගෙන බන්ධනාගාරගත කර තිබේ.
අලුත්ගම සහ බේරුවල ප්‍රදේශවලට පනවා තිබූ පොලිස් ඇඳිරි නීතිය ඊයේ (17) ද පැය කිහිපයකට ඉවත් කරනු ලැබීය. එම ප්‍රදේශයන්හි ආරක්‍ෂාව තහවුරු කිරීම සඳහා පොලිසිය, පොලිස් විශේෂ කාර්ය බලකාය සහ යුද හමුදාව විශේෂ ආරක්ෂක වැඩපිළිවෙළක්‌ දියත් කර ඇත.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
