අලුත්ගම පොලිස් බලප්‍රදේශයට වහා ම ක්‍රියාත්මක වන පරිදි පොලිස් ඇඳිරිනීතිය අද (15) පස්වරු 6.45 සිට බලපැවැත්වෙන බව පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරි අජිත් රෝහණ මහතා පවසයි.
ප්‍රදේශයේ ඇති වී තිබෙන නොසන්සුන්කාරී තත්ත්වයක් නිසා සාමය ආරක්ෂා කිරීමට මෙම පියවර ගෙන තිබේ.
පොලිස් ඇඳිරිනීතිය බල පවත්වන කාලය තුළ එම බල ප්‍රදේශයේ වීදිවල, මහාමාර්ගවල ගමන් කිරීම හෝ වාහන ගමනාගමනය ද එක්රැස්වීම් ද සිදු නොකළ යුතු ය. මෙම නීතිය කඩකරන්නන් මෙන් ම වාහන ද අත්අඩංගුවට ගැනීමට සිදුවන බවත් ඔවුන්ට එරෙහිව අපරාධ නඩු විධිවිධාන සංග්‍රහයේ 10 වැනි පරිච්ඡේදය අනුව කටයුතු කරන බවත් පොලිස් මාධ්‍ය ප්‍රකාශකවරයා පවසයි.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
