අද (04) දිනය සඳහා වන කාලගුණ අනාවැකියට අනුව දිවයිනේ බොහෝ පළාත්වල විටින් විට වැසි හෝ ගිගුරුම් සහිත වැසි ඇති වේ. සමහර ස්ථානවල (විශේෂයෙන් දිවයිනේ මධ්‍යම, සබරගමුව, බස්නාහිර පළාත්වලත් ගාල්ල සහ මාතර දිස්ත්‍රික්කවලත් ) මි.මි 100 ට වැඩි තද වැසි ද ඇති විය හැක.
මධ්‍යම කඳුකරයේ බටහිර බෑවුම්වල විටින් විට හමන තරමක් තද සුළං බලාපොරොත්තු විය හැක. ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
ප්‍රධාන නගර සඳහා කාලගුණ අනාවැකියට අනුව යාපනය, අනුරාධපුර, මන්නාරම සහ ත්‍රීකුණාමලයට අපරභාගයේදී හෝ සන්ධ්‍යා කාලයේ දී ගිගුරුම් සහිත වැසි ඇති විය හැක. මඩකළපුවට වැසි හෝ ගිගුරුම් සහිත වැසි ඇතිවිය හැක.
කොළඹ, ගාල්ල, මහනුවර, නුවරඑළිය සහ රත්නපුරයට විටින් විට වැසි ඇති වේ.
HC
