එසේම මෙතෙක් ලබාගෙන ඇති එනම් 2015.11.20 දින හෝ ඊට පෙර වාහන බලපත්‍රවලට අදාළව තවමත් වාහනයක් ආනයනය කිරීම සඳහා ණයවර ලිපි විවෘත කර නොමැති නම්, එවැනි බලපත්‍රවලට අදාළව ණයවර ලිපි විවෘත කිරීම හෝ දේශීයව එකලස් කරන ලද මෝටර් රථයක් මිල දී ගැනීම සඳහා ගිවිසුමකට එළඹීම 2015.12.31 දින දක්වා පමණක් කළ හැකි බව එම නිවේදනයේ සඳහන් වේ
එලෙසින් වාහනය ආනයනය කරලීම හෝ දේශීයව මිල දී ගැනීම, අදාළ බලපත්‍රයේ වලංගු කාලය තුළ දී සිදු කළ යුතුය.
සහනදායී බලපත්‍ර ක්‍රමය දේශපාලනීකරණය වී ඇති අතර එය බෙහෙවින් අවභාවිත කිරීම හේතුවෙන් රජයට වාර්ෂිකව රුපියල් බිලියන 40ක පමණ ආදායම් අහිමි වීමක් ද සිදු වන බව පසුගිය 20 වැනි දින අයවැය කතාව ඉදිරිපත් කරමින් මුදල් අමාත්‍ය රවී කරුණානායක මහතා පෙන්වා දුන් බව එම නිවේදනයේ වැඩිදුරටත් සඳහන වේ.
