ඒ යටතේ බිම් වෙඩි/පුද්ගලනාශක බෝම්බ සහ පුපුරා නොගිය උණ්ඩ කොටස් හඳුනාගැනීම සහ එවැනි අවස්ථාවලදී ක්‍රියා කළ යුතු ආකාරය පිළිබඳ දැනුවත් කිරීමේ වැඩසටහනක් ක්‍රියාත්මක කළේ නාගර් කෝවිල් බටහිර ග්‍රාම නිලධාරි කොට්ඨාසය සහ කුඩත්තනෙයි ග්‍රාම නිලධාරී වසම් දෙකෙහි පාසල් ළමුන් සහ වැඩිහිටියන් වෙනුවෙනි, මේ සඳහා 200කට අධික පාසල් සිසුන් සහභාගි වී සිටියහ.

511 වැනි බලසේනාවට අයත් විජයබාහු පාබල රෙජිමේන්තුවේ 25 බලඇණියට සහ ශ්‍රී ලංකා ජාතික ආරක්‍ෂක බලමුළුවේ 15 වැනි බලඇණියට අයත් සෙබළුන්ගේ සහභාගිත්වයෙන් පසුගිය දා ඉරුප්පලෙයි ගුරු පුහුණු විදුහල වෙනුවෙන් ශ්‍රමදානයක් සංවිධානය කර තිබුණි. මේ ශ්‍රමදාන අවස්ථාව සඳහා පුහුණුව ලබන ගුරුවරුන් 40 දෙනෙකු සහ සෙබළුන් 32 සහභාගි වී සිටියහ.

රථවාහන සහ මාර්ග නීති පිළිබඳව පාසල් දරුවන්ගේ දැනුම වැඩිදියුණු කිරීම වෙනුවෙන් 4 වැනි ශ්‍රී ලංකා යුධහමුදා පොලිස් හේවා බලකාය මගින් යාපනය ශාන්ත පැට්රික් විද්‍යාලයේ සංවිධානය කරන ලද වැඩසටහන වෙනුවෙන් විදුහල්පති ජෙරෝ සෙල්වනායගම් පියතුමන්, ගුරු මණ්ඩලයේ 18 දෙනෙක් සහ පාසල් සිසුන් 620 දෙනෙක් සහභාගි වී සිටියහ.

HC/PS_dmu_jaffna