නිර්විනාශක පරීක්ෂාව යනු ලෝහමය සහ ලෝහමය නොවන (කොන්ක්‍රීට්) ව්‍යුහයන්, එම ව්‍යුහයන්ට හානියක් නොකර භෞතික වශයෙන් පරීක්ෂා කිරීමේ ක්‍රියාවලියයි. මෙය යම් නිෂ්පාදනයක් දෝෂ රහිතදැයි සොයා බැලීම සඳහා කර්මාන්ත අංශයේ පුළුල්ව භාවිතයට ගැනෙන ක්‍රමවේදයකි.
නිර්විනාශක පරීක්ෂණ පිළිබඳ ජාතික මධ්‍යස්ථානය ස්ථාපනය කිරීම සඳහා රජය රුපියල් මිලියන 594ක් වැය කොට ඇත. නිර්විනාශක ක්ෂේත්‍රයට අදාළ රාජ්‍ය අංශයේ ඉල්ලීම් සපුරාලීමේ හැකියාව මෙම මධ්‍යස්ථානය සතු වේ. මෙම මධ්‍යස්ථානය 2014 වසරේ තෙවන කාර්තුවේ සිට පූර්ණ ලෙස ක්‍රියාත්මක වනු ඇත.
පරමාණුක ශක්ති අධිකාරිය විසින් 1982 වර්ෂයේ සිටම මෙම නිර්විනාශක සේවාවන් සැපයීම සහ ඒ පිළිබඳ පුහුණු කිරීම සිදුකරනු ලැබේ. ජාත්‍යන්තර ප්‍රමිතීන්ට අනුකූලව මෙම සේවාව සැපයීම සඳහා අවශ්‍ය යටිතල පහසුකම් සහ මානව සම්පත් සහිත එකම රාජ්‍ය ආයතනය වන්නේ පරමාණුක ශක්ති අධිකාරියයි.
DB
