ඒ මහතා මේ බව ප්‍රකාශ කළේ අද (22) එම මධ්‍යස්ථානයේ පැවැති ප්‍රවෘත්ති සාකච්ඡාවකට එක්වෙමිනි.
උතුරු ප්‍රදේශයේ සංවිධානය කරනු ලබන දේ දන්දීමේ කඳවුරු සඳහා ආරක්ෂක අංශ විසින් එරෙහි වන බවට විවිධ මාධ්‍ය මඟින් වාර්තාකර තිබූණද එම ප්‍රකාශයන්ගේ කිසිදු සත්‍යතාවක් නොමැති බව පෙන්වාදෙන වනිගසූරිය මහතා විටින් විට උතුරු ප්‍රදේශයේ ආරක්ෂක අංශ විසින් ලේ දන්දීමේ කඳවුරු සංවිධානය කරන ලද බවද පෙන්වා දුන්නේය.
පසුගිය වසර 2ක කාලය තුළ යුධ හමුදාව විසින් ලේ පයින්ට් 10,000ක්, නාවික හමුදාව විසින් පයින්ට් 2,000ක් සහ ගුවන් හමුදාව විසින් ලේ පයින්ට් 1,200ක් වශයෙන් ලබා දී ඇත.
සියලුම රණ විරුවන්ගේ රුධිරය සම්බන්ධයෙන් වන තොරතුරු මේ වන විට පරිගණකගත කොට ඇති බවත් ඒ හරහා ඉදිරියේ දී සොයා ගැනීමට අපහසු වර්ගයේ ලේ වුවද ඉතා ඉක්මනින් ලබාගැනීමේ පහසුකම් ඇති බවත් පෙන්වා දුන්නේය.
ආරක්ෂක නිලධාරීන් පසුගිය කාලයේ දී පරිත්‍යාග කළ රුධිර ප්‍රමාණයන් හරහා උතුරු ප්‍රදේශයේ රෝගීන් රැසකගේ ජීවිත බේරාගත හැකි වූ බවත් උතුරේ ජනතාවගේ ශරීර තුළ මේ වන විට ආරක්ෂක නිලධාරීන්ගේ රුධිරය ගලාගෙන යාම සතුටට කරුණක් බවත් ඒ මහතා වැඩිදුරටත් පෙන්වා දුන්නේය.
DB
