ඉන් අනතුරුව එම පිළිගත් දේශාපලන පක්ෂය හෝ ස්වාධීන කණ්ඩායම විසින් නාමයෝජනා කරන ලද අපේක්ෂයන් තුන් දෙනෙකුට නොවැඩි අපේක්ෂකයන් ගණනකට මනාප අංකය ඇතුළත් කොටු තුළ අංක මත කතිර ලකුණක් ("X") යෙදීමෙන් ස්වකීය මනාප සලකුණු කළ හැකිය.
ඡන්ද ගණන් කිරීමේදී ප්‍රතික්ෂේප කෙරෙන ඡන්ද පත්‍රිකා පිළිබඳ මැතිවරණ මහලේකම් කාර්යාලය මෙසේ පෙන්වා දෙයි.
- කිසිම දේශපාලන පක්ෂයකට හෝ ස්වාධීන කණ්ඩායමකට ඡන්දය සලකුණු කර නොමැති හෝ
- පිළිගත් දේශපාලන පක්ෂ එකකට වැඩි ගණනකට ඡන්දය සලකුණු කර ඇති හෝ
- ස්වාධීන කණ්ඩායම් එකකට වැඩි ගණනකට ඡන්දය සලකුණු කර ඇති හෝ
- පිළිගත් දේශපාලන පක්ෂ එකකට වැඩි ගණනකට හෝ ස්වාධීන කණ්ඩායම් එකකට වැඩි ගණනකට හෝ පක්ෂ හා කණ්ඩායම් සංකලනයකට හෝ ඡන්දය සලකුණු කර ඇති හෝ
- ඡන්ද දායකයා හඳුනාගත හැකි ආකාරයේ යමක් ඡන්ද පත්‍රිකාව මත ලියා ඇත්නම් හෝ ඇඳ ඇත්නම් හෝ
- ඡන්දය සලකුණු කර ඇත්තේ කුමන පක්ෂයකට/ස්වාධීන කණ්ඩායමකට දැයි යන්න අවිනිශ්චිත වේනම් හෝ එවැනි ඡන්ද පත්‍රිකා ප්‍රතික්ෂේප කෙරේ.
මනාප ගණන් කිරීමේදී වලංගු නොවන ඡන්ද පත්‍රිකා මෙසේය,
- කිසිම අපේක්ෂකයකුට මනාප සලකුණු කර නොමැති හෝ
- අපේක්ෂකයන් තිදෙනෙකුට වැඩා වැඩි සංඛයාවක් වෙනුවෙන් මනාප සලකුණු කර ඇති හෝ
- මනාප සලකුණු කර ඇත්තේ කුමන අපේක්ෂකට දැයි අවිනිශ්චිත හෝ ඡන්ද පත්‍රිකා මනාප ගණන් කිරීම සඳහා වලංගු නොවන බව මැතිවරණ කොමසාරිස් මහින්ද දේශප්‍රිය මහතා වැඩිදුරටත් පෙන්වා දෙයි.
kpm
