පරිසර හා පුනර්ජනනීය බලශක්ති අමාත්‍යාංශය හා ශ්රී ලංකා සුනිත්‍ය බලශක්ති අධිකාරිය ඒකාබද්ධව මෙය සංවිධානය කර ඇත. මේ සම්මන්ත‍්‍රණය 2014 වසරේ ජගත් විද්වත් වාර්තාවෙන් ඉස්මතු කර ඇති ගැටලු ශ්රී ලංකාවේ විද්වතුන්ට හඳුන්වාදීමේ අරමුණින් පැවැත්වේ.
වර්තමානයේ මානව වර්ගයාට මුහුණදීමට සිදු ව ඇති ප‍්‍රබලතම ගැටලුව වන දේශගුණික විපර්යාසය පිළිබඳ අභියෝගයට දියුණුවෙමින් පවතින රටක් වශයෙන් ශ්රී ලංකාව අනුගමනය කළ යුතු ක‍්‍රියා මාර්ගය පිළිබඳව ගැඹුරු සංවාදයක් ඇති විය යුතුයි. ජගත් විද්වත් මණ්ඩලය පෙන්වා දී ඇති අන්දමට මිහිතලය දැනටමත් උණුසුම් වී ඇති අතර මෙමඟින් සිදු වන හානිය අවම කර ගැනීමට වහාම ක‍්‍රියාත්මක විය යුතුයි. ඒ පිළිබඳව සාකච්ඡා කර අවසන් තීරණයක් ගැනීම සඳහා ලෝක නායකයන් ලබන වසරේදී ප‍්‍රංශයේ පැරිස් නුවරදී හමුවීමට නියමිත බව ද පරිසර හා පුනර්ජනනීය බලශක්ති අමාත්‍යාංශය පැවසීය.
NDH
