කොළඹ දිස්ත්‍රික් ලේකම්වරයා මේ බව පැවසුවේ ඊයේ (20) කොළඹ 07 බෞද්ධාලෝක මාවතේ ධර්මායතනයේ දී පැවති මෙවර වෙසක් උත්සවය අර්ථාන්විතව සැමරීම හා වෙසක් උත්සවය වෙනුවෙන් කොළඹ නගරයේ සූදානම පිළිබදව දැනුවත් කිරීම සදහා පැවති විශේෂ මාධ්‍ය සාකච්ඡාවේදී අදහස් දක්වමිනි.
පූජ්‍ය ඇල්ලේ ගුණවංශ නාහිමියන්ගේ අනුශාසනා පරිදි අග්‍රාමාත්‍යතුමා කොළඹ දිස්ත්‍රික්කයේ වෙසක් උත්සවය අති උත්කර්ෂවත් ලෙස ආමිස සහ ප්‍රතිපත්ති පූජාවන්ගෙන් සමන්විතව සංවිධානය කරන ලෙසට සියලුම රාජ්‍ය නිලදාරීන්ට උපදෙස් ලබාදුන් බවද සඳහන් කළේය.
අග්‍රාමාත්‍ය කාර්යාලය, රාජ්‍ය පරිපාලන අමාත්‍යංශය සහ දිස්ත්‍රික් ලේකම් කාර්යාලය එක්ව අග්‍රාමාත්‍ය ලේකම්තුමාගේ සහ රාජ්‍ය පරිපාලන ලේකම්තුමාගේ මගපෙන්වීම යටතේ මෙම කටයුතු සංවිධානය වෙමින් පවතින බවද වැඩිදුරටත් පැවසුවේය
