ජාතික සංචාරක ප්‍රතිපත්තිය කෙටුම්පත 2023.09.04 දින පැවති අමාත්‍ය මණ්ඩල රැස්වී‍මේදී සාකච්ඡාවට ගනු ලැබූ අතර, එහිදී සංචාරක ක්ෂේත්‍රයේ ප්‍රවීණයකන්ගෙන් සමන්විත කමිටුවක් මගින් තවදුරටත් එකී කෙටුම්පත සමාලෝචනය කළ යුතු බවට තීරණය කරන ලදී.
ඒ අනුව , ජනාධිපති ලේකම් සමන් ඒකනායක මහතා විසින් පත් කරනු ලැබ ඇති කමිටුවක් විසින් සංචාරක කර්මාන්තයේ ගැටලු හා විභවයන් හඳුනාගනිමින් සහ දේශීය හා ගෝලීය සන්දර්ශයන් සැලකි්ලට ගනිමින් ජාතික ක්‍රමසම්පාදන දෙපාර්තමේන්තුවේ නිර්දේශයන්ට අනුගතව යෝජිත ජාතික සංචාරක ප්‍රතිපත්තිය කෙටුම්පත් කරනු ලැබ ඇත. එකී ප්‍රතිපත්තිය ක්‍රියාත්මක කිරීම පිණිස ජනාධිපති රනිල් වික්‍රමසිංහ මහතා ඉදිරිපත් කළ යෝජනාවට කැබිනට් මණ්ඩලයේ අනුමැතිය හිමි වී තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
