මෙම වෛද්‍ය සභාවේ ප්‍රථම හෝමියෝපති වෛද්‍ය සමුළුව පසුගියදා (01) කඩවත ඉන්ද්‍රා හෝටල් පරිශ්‍රයේදී පවත්වන්නට යෙදුණි. මෙහිදී හෝමියෝපති පෞද්ගලික වෛද්‍ය සායන මධ්‍යස්ථාන සඳහා ලියාපදිංචි සහතිකපත් ප්‍රදානය මෙන්ම හෝමියෝපති වෛද්‍යවරුන්ගේ දැනුම, ආකල්ප නංවාලීමේ වැඩමුළු සහ වැඩසටහන් රැසක්ද ක්‍රියාත්මක විය.
ආතරයිටීස්, ඇදුම, පීනස, පොතු කබර, වකුගඩු ඇතුළු රෝග රැසක් සඳහා සාර්ථක ප්‍රතිකාර සහිත මෙම වෛද්‍ය ක්‍රමය උදෙසා දීප ව්‍යාප්ත මට්ටමින් හෝමියෝපති වෛද්‍ය සායන මධ්‍යස්ථාන පිහිටුවීම මේ වන විට සිදු කරමින් පවතින අතර, පිහිටුවා ඇති ප්‍රතිකාර මධ්‍යස්ථාන තුළින් දෛනිකව රෝගීන් විශාල සංඛ්‍යාවක් ප්‍රතිකාර ගැනීම සිදු කරනු ලබයි.
එවන් සුවිශේෂි වෛද්‍ය සේවාවක් විධිමත්ව පවත්වාගෙන යාමේදී සහ ජනතාවගේ ජීවිත ආරක්ෂාව සහ එම වෛද්‍ය ක්‍රමයේ ගුණාත්මකභාවය රැක ගැනීම උදෙසා විධිමත් වෛද්‍ය සභාවක් ක්‍රියාත්මක විය යුතු අතර, පසුගිය යහපාලන සමයේ අකර්මණ්‍ය කර දැමූ හෝමියෝපති වෛද්‍ය සභාව 2020 වසරේ සිට නැවත සක්‍රීය කිරීම සිදු කරන ලදී. එමගින් ලියාපදිංචිය ලබා ගැනීමට නොහැකිව පීඩාවට පත්ව සිටි වසර 05 ½ ක හෝමියෝපති වෛද්‍ය උපාධිය ලබා ගත් සිසුනට ශ්‍රී ලංකාවේ හෝමියෝපති වෛද්‍ය සභාවේ ලියාපදිංචිය ලබා ගැනීමෙන් අනතුරුව පිළිගත් හෝමියෝපති වෛද්‍යවරයෙකු ලෙස කටයුතු කිරීමේ අවස්ථාව හිමි විය.
