ඒ අනුව, කිලෝග්‍රෑම් 12.5ක ගෘහස්ත ගෑස් සිලින්ඩරයක මිල රුපියල් 145.00 කින් පමණක් මිල වැඩි කර ඇති අතර එහි නව මිල වන්නේ රුපියල් 3,127.00 කි. මේ අතර කිලෝග්‍රෑම් 5 ගෑස් සිලින්ඩරයක් රුපියල් 58.00 කින් පමණක් මිල වැඩි කර ඇති අතර එහි නව මිල රුපියල් 1,256.00කි.

එමෙන්ම කිලෝගෑම් 2.3ක ගෑස් සිලින්ඩරයක් රුපියල් 26.00 කින් පමණක් මිල වැඩි කර ඇති අතර එහි නව මිල රුපියල් 587.00කි. රාජ්‍ය ආයතනයක් ලෙස ලිට්‍රෝ ගෑස් සමාගම තිබීම තුළ ලෝක වෙළඳපොලේ ගෑස් මිල කුමන ආකාරයට වැඩිවුවත් ඊට අනුරුපිව මිල වැඩි නොකර ලාංකීය ජනතාවට සුවදායී ලෙස ගෑස් මිල පවත්වාගැනීමට ලිට්‍රෝ ගෑස් සමාගමට හැකිව තිබෙන බව මුදිත පීරිස් මහතා මෙහි දී වැඩිදුරටත් ප්‍රකාශ කළේය.

මාස පහකට පසු ගෑස් මිල පස් වතාවක් අඩු කළ පසු පලමුවතාවට මෙම ගෑස් මිල මෙසේ රුපියල් 145.00 කින් වැඩි කර තිබේ.