ඒ සඳහා මුදල් අමත්‍යවරයා වශයෙන් ජනාධිපති රනිල් වික්‍රමසිංග මහතා විසින් ඉදිරිපත් කළ යෝජනාවට කැබිනට් අනුමැතිය හිමිවූ බව සඳහන් කළ අමාත්‍යවරයා ප්‍රකාශ කළේ, අද (08) රජයේ ප්‍රවෘත්ති
දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය සාකච්ඡාවේ දී ය.
දේශීය ණය ප්‍රශස්තකරණ වැඩසටහන යටතේ සේවක අර්ථසාධක අරමුදල සතු භාණ්ඩාගාර බැඳුම්කර ප්‍රශස්තකරණයට ලක් වීම තුළින් එම අරමුදලේ සාමාජිකයින්ගේ විශ්‍රාම ගෙවීම් සහ ප්‍රතිලාභ වලට බලපෑමක් නොවන අයුරින් එකී ගෙවීම් සහ ප්‍රතිලාභ තහවුරු කිරීමේ අවශ්‍යතාවය රජය විසින් හඳුනාගෙන තිබේ.
එමෙන්ම, ණය ප්‍රතිව්‍යුහගතකරණය කිරීමේ ක්‍රියාවලිය තුළ ආණ්ඩුව විසින් අර්ථසාධක අරමුදල ගසා කන බවට පසුගිය කාලයේ දී විශාල දේශපාලනාත්මක මතවාදයක් පැන නැඟුනු බවත්, මෙම පනත සංශෝධනය කිරීමෙන් පසු අර්ථසාධක අරමුදල් මංකොල්ලකෑම්, ප්‍රතිලාභ අඩු කළා යැයි කිසිවෙකුට තවදුරටත් චෝදනා කළ නොහැකි බවත් හෙතෙම මෙහි දී වැඩිදුරටත් සඳහන් කළේය.
ඒ අනුව, කවර ආණ්ඩුවක් ඉදිරි වසර 04 තුළ රට පාලනය කළ ද මෙම පනතේ විධි විධාන ප්‍රකාරව එකී සාමාජිකයින්ට ලැබිය යුතු ප්‍රතිලාභ 9% ක නිසි ප්‍රතිශතයක් යටතේ ලැබෙන බව ද අමාත්‍යවරයා මෙහි දී වැඩිදුරටත් ප්‍රකාශ කළේය.
