එම කාරක සභාවේ පලවෙනි රැස්වීම කාරක සභාවේ සභාපති අමාත්‍ය ටිරාන් අලස් මහතාගේ ප්‍රධානත්වයෙන් (27) පාර්ලිමේන්තුවේ රැස්වූ අවස්ථාවේ දී මෙම තීරණය ගන්නා ලදී.
ඒ අනුව, ශ්‍රී ලංකා පොලිසිය, අන්තරායකර ඖෂධ පාලක ජාතික මණ්ඩලය සහ දුම්කොළ සහ මධ්‍යසාර පිලිබඳ ජාතික අධිකාරිය යන ආයතන කාරකා සභාව ඉදිරියේ කැඳවා මේ සම්බන්ධයෙන් පුළුල් සාකච්ඡාවක් පවත්වා පවතින තත්වය හඳුනා ගැනීමට අවශ්‍ය බව කාරක සභාවේ සභාපති අමාත්‍ය ටිරාන් අලස් මහතා පැවසීය. ඒ අනුව අදාළ ආයතන ලබන අගෝස්තු 10 වැනි දින කාරක සභාව හමුවට කැඳවීමට මෙහිදී තීරණය කරන ලදී.
මෙයට අමතරව, මත්ද්‍රව්‍ය උවදුර වහා පාලනය කොට මුලිනුපුටා දැමීම සඳහා වන උපායමාර්ගික සැලැස්මක් සහ ඒ සම්බන්ධයෙන් ක්‍රියාකරන ආයතන අතර සම්බන්ධීකරණයක් ඇතිකිරීමේ අවශ්‍යතාවය ද මෙහිදී අවධාරණය කරන ලදී.
මෙම කාරක සහාවට පාර්ලිමේන්තු මන්ත්‍රීවරුන් වන ජයන්ත සමරවීර, (වෛද්‍ය) උපුල් ගලප්පති සහ උපුල් මහේන්ද්‍ර රාජපක්ෂ යන මහත්වරු පාර්ලිමේන්තුවේ වැඩබලන මහලේකම් හංස අබේරත්න සහ ව්‍යවස්ථාදායක සේවා අධ්‍යක්ෂ සහ සන්නිවේදන (වැඩබලන) අධ්‍යක්ෂ එච්.ඊ. ජනකාන්ත සිල්වා යන මහත්වරු ද මෙම අවස්ථාවට එක්ව සිටියහ.
