ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරියෙකු වන නාලක කලුවැව මහතා ශ්‍රී ලංකා සංවර්ධන පරිපාලන ආයතනයේ නව අධ්‍යක්ෂ ජනරාල් වරයා වශයෙන් (05දා) රාජ්‍ය පරිපාලාන,ස්වදේශ කටයුතු ,පළාත් සභා හා පළාත් පාලන අමාත්‍ය සහ අග්‍රාමාත්‍ය දිනේෂ් ගුණවර්ධන මහතා අතින් පත්වීම් ලබා ගන්නා ලදි.
පරිපාලන සේවයේ වසර 23 ක පළපුරුද්දක් ඇති ඒ මහතා මින් පෙර රජයේ ප්‍රවෘත්ති අධ්‍යක්ෂ ජනරාල් ධුරය මෙන්ම, ජනාධිපති අතිරේක ලේකම් ආදී තනතුරු රැසක් දරා අත්දැකීම් සම්භාරයක් සහිත නිලධාරියෙකි. රාජ්‍ය පරිපාලනය හා කළමනාකරණය පිළිබඳ ඕස්ට්‍රේලියාවේ කැන්බරා හා කොළඹ විශ්ව විද්‍යාලයන්හි පශ්චාත් උපාධිදරයකු වන කලුවැව මහතා 2000 වසරේ දී රාජ්‍ය සේවයට එක්වන ලදි.
පත්වීම් ලිපි ප්‍රදානය කිරීමේ අවස්ථාවට අමාත්‍යංශ ලේකම් රංජිත් අශෝක මහතා ද එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
