අද(16) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා මේ බව පැවසීය.
වැඩිදුරටත් අදහස් දක්වමින් අමාත්‍යවරයා පැවසුවේ, රාජ්‍ය ව්‍යවසාය ප්‍රතිව්‍යහගතකරණය කිරීම සම්බන්ධයෙන් ඉදිරි පියවර ගැනීම සඳහා මුදල් , ආර්ථික ස්ථායිකරණ සහ ජාතික ප්‍රතිපත්ති අමාත්‍යවරයා වශයෙන් ජනාධිපති රනිල් වික්‍රමසිංහ මහතා ඉදිරිපත් කළ යෝජනාවට ඊයේ කැබිනට් මණ්ඩලයේ අනුමැතිය හිමි වූ බවයි.
මේ සම්බන්ධයෙන් අදහස් දැක් වූ අමාත්‍යවරයා පෙන්වා දුන්නේ, අද රාජ්‍ය ව්‍යවසාය බොහොමයක බර ජනතාවට දරා ගත නොහැකි වී තිබෙන බවයි.
මෙහෙයුම් වියදමවත් පියවා ගත නොහැකි ආයතන ප්‍රතිව්‍යහගත නොකළොත් එම ආයතන කඩා වැටෙනවා. මෙම ප්‍රතිපත්තිය කඩිනමින් ක්‍රියාත්මක කළ යුතුයි. රට පත් වී තිබෙන තත්වයෙන් ගොඩ ආ හැකි ප්‍රධාන ම මාර්ගය ලෙස රාජ්‍ය ආයතන ප්‍රතිව්‍යහගත කිරීම සැළකෙනවා.ඒ සඳහා අවශ්‍ය ප්‍රතිපත්තිය සඳහා ඊයේ කැබිනට් මණ්ඩලයේ අනුමැතිය ලබා දුන්නා.
මෙමගින් බලාපොරොත්තු වන්නේ රටට බරක් නොවන, රාජ්‍ය ට බරක් නොවන පරිදි අලාභ ලබන රාජ්‍ය ආයතන පරිවර්තනය කිරීමයි.ගුණාත්මක වශයෙන් ඉහල සේවයක් ලබා දෙමින් රාජ්‍ය ආයතන තරගකාරී ලෙස හැසිරවීමයි. ආයතනයක අවශ්‍ය සේවක පිරිසට වඩා වැඩි පිරිසක් හිටියොත් එම ආයතනයේ ඵලදායිතාව කඩා වැටෙනවා. එම නිසා නිමවුම ඵලදායිතාව ඉහළ යන පරිදි සේවා නියුක්තිය ඇති කරනවා. එහිදී ඇතැම් ව්‍යාපාරවල සමහර අංශ වසා දමන්න සිද්ධ වෙයි. ඇතැම් ව්‍යාපාර වෙන්දේසි කරන්න වෙයි. මේ සම්බන්ධයෙන් විශේෂ කමිටුවක් පත් කර තිබෙනවා.එම කමිටුව අවශ්‍ය තාක්ෂණික ඇගයීම් සිදු කර මේ සම්බන්ධයෙන් නිර්දේශ ලබා දෙනවා. ඉදිරියේදී මේ සම්බන්ධයෙන් විස්තර ලබා දෙනවා.
