ශ්‍රී ලංකාවේ ජපාන තානාපති මිෂුකොෂි හිදෙකි (Mizukoshi Hideaki) මහතා සහ ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහහා අතර විශේෂ හමුවක් ප්‍රවාහන හා මහාමාර්ග අමාත්‍ය කාර්යාලයේ දී සිදු විය.
ජපාන රජයේ සහෝයෝගීතාවයෙන් මෙරට ක්‍රියාත්මක වන ව්‍යාපෘති, රූපවාහිනී ඩිජිටල්කරණ ව්‍යාපෘතිය ඇතුළු වැදගත් කරුණු රැසක් පිළිබඳ මෙම අවස්ථාවේ දී සාකච්ඡාවට භාජනය විය.
ඉදිකිරීම් අවසන් කර ඇති නව කැළණි පාලම් ව්‍යාපෘතිය ඇතුළුව දැනට සිදුකෙරෙමින් පවතින හා අතරමඟ නතර වී තිබෙන ව්‍යාපෘතිවල ඉදිරි කටයුතු පිළිබඳව අමාත්‍ය ආචාර්ය බන්දුල ගුණවර්ධන මහතා සහ ජපාන තනාපතිවරයාගේ විශේෂ අවධානය මෙහිදී යොමු විය.
ජපාන තනාපති සමඟ ජයිකා ආයතනයේ නියෝජිත පිරිසක් සහ අමාත්‍යංශ නිලධාරීන් පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
