එලැඹෙන 2024න් පසුව දැනට තිබෙන විද්‍යාපීඨ 19 එක් විශ්වවිද්‍යාලයයක් බවට පත් කර එහි පීඨ සකස් කිරීමට කටයුතු කරන බවත්,ඒ අනුව අධ්‍යාපනයටම යොමුවන උපාධිධාරීන් මෙම විශ්වවිද්‍යාලයය මගින් බිහි කිරීමට බලාපොරොත්තු වන බවත්, අධ්‍යාපන අමාත්‍ය ආචාර්ය සුසිල් ප්‍රේම්ජයන්ත මහතා පවසයි.
රජයේ ප්‍රවෘත්ති දෙපාර්තමේන්තු පරිශ්‍රයේ (20) පැවති අයවැය සම්බන්ධ දැනුම්වත් කිරීමේ මාධ්‍ය සාකච්ඡාවට එක්වෙමින් ඒ මහතා මේ බව පැවසීය.
එපමණක් නොව ගුරු වෘත්තිය සම්බන්ධයෙන් පුහුණුව ලබාදී එමගින් පුහුණු උපාධිධාරී ගුරුවරයෙක් පන්ති කාමරයට ලබාදීම අපේක්ෂා කරන බවත්, ඒ අනුව අධාපනය සම්බන්ධයෙන් විශ්වවිද්‍යාලයයක් තුළ පුහුණුව ලැබූ ගුරුවරයකු සිසුන් වෙත ලැබෙනු ඇති බවත් අධ්‍යාපන අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
