ඉකුත් ඔක්තෝබර් 28 දා ශ්‍රී ලංකාව සහ යුරෝපා සංගමය අතර නීතියේ ආධිපත්‍යය සහ මානව හිමිකම් පිළිබඳව ක්‍රියාකාරී කණ්ඩායමේ 06 වන රැස්වීමේදී යුරෝපා සංගමය මේ සම්බන්ධයෙන් අදහස් දැක්වූ බව එම සංගමයේ නිල වෙබ් අඩවිය තහවුරු කර ඇත.
එහිදී මානව හිමිකම් ප්‍රවර්ධනය සහ ආරක්ෂා කිරීම සම්බන්ධයෙන් අදාළ ක්‍රියාමාර්ග සහ ව්‍යවස්ථාදායක මුලපිරීම් ක්‍රියාත්මක කිරීම පිළිබඳ පොර්ශවය සාකච්ඡා කළ අතර මානව හිමිකම් ප්‍රගමනය, යුක්තිය සහ සංහිඳියාව තුළින් සමාජ, ආර්ථික සහ දේශපාලන ඇතුළත් වීමේ වැදගත්කම යුරෝපා සංගමය අවධාරණය කර ඇත.
ආණ්ඩුක්‍රම ව්‍යවස්ථා සභාව සහ ස්වාධීන කොමිෂන් සභා නැවත ස්ථාපිත කිරීමත් සමඟ ප්‍රජාතන්ත්‍රවාදී පාලනය ශක්තිමත් කිරීම සහ රටේ මූලික ආයතන සම්බන්ධයෙන් ස්වාධීන අධීක්ෂණය, මහජන පරීක්ෂාව මෙන්ම දූෂණ විරෝධී ක්‍රියාමාර්ග ශක්තිමත් කිරීම අරමුණු කරගත් ආණ්ඩුක්‍රම ව්‍යවස්ථාවේ 21 වැනි සංශෝධනය පිළිබඳව ශ්‍රී ලංකාව යුරෝපා සංගමයට එහිදී දැනුම් දී ඇත.
ත්‍රස්තවාදය වැළැක්වීමේ පනත භාවිත කිරීම සම්බන්ධයෙන් යුරෝපා සංගමය අදාළ සාකච්ඡාවේ දී සිය දැඩි සැළකිල්ල පළ කළ අතර ජී.එස්.පී. ප්ලස් බදු සහනය සම්බන්ධයෙන් ද මෙහිදී දිර්ඝ වශයෙන් සාකච්ඡා වී තිබේ.
