දෙරට අතර දිගු කාලයක සිට පවතින ආර්ථික, දේශපාලනික හා සංස්කෘතික සහයෝගිතාවය තවදුරටත් වැඩි දියුණු කිරීම පිළිබදව මෙහිදී අවධානය යොමුවූ අතර වත්මන් ජනාධිපතිතුමාගේ නායකත්වය යටතේ ශ්‍රී ලංකාව තුළ දේශපාලන ස්ථාවරත්වය ඇතිවීම හා ආර්ථිකය යථා තත්වයට පත්වීම කඩිනමින් සිදුවනු ඇති බවත්, 22 වන ආණ්ඩුක්‍රම ව්‍යවස්ථා සංශෝධනය පාර්ලිමේන්තුවට ඉදිරිපත් කර සම්මත කර ගැනීමට කටයුතු කරමින් සිටින බවත් අමාත්‍යවරයා මෙහිදී පැහැදිළි කළේය.
2016 වසරේ තායිලන්තයේ පැවති එක්සත් ජාතීන්ගේ ජාත්‍යන්තර වෙසක් උත්සවයේ ප්‍රධාන දේශනය පැවැත්වීමට තමාට අවස්ථාව උදා වු බවත්, 2017 වසරේ එම උත්සවය ශ්‍රී ලංකාවේ පැවැත්වු අවස්ථාවේ තායිලන්තය විශාල දායකත්වයක් ලබා දුන් බවත් අමාත්‍යවරයා එහිදී සදහන් කළේය.
බෞද්ධ උපසම්පදාව නැවත මෙරටට ලබාදීමට කටයුතු කරමින් බුදු දහම යළි නගා සිටුවීම සදහා මෙන්ම වර්තමානය වන විට ශ්‍රී ලංකාවේ ආර්ථික හාආගමික සංස්කෘතික සංවර්ධනය උදෙසා තායිලන්තය ලබා දෙනු ලබන දායකත්වය අධිකරණ අමාත්‍යවරයා මෙහිදී කෘතවේදීව සිහිපත් කළේය.
ශ්‍රී ලංකාව තුළ වර්තමානය වන විට පවතින ගැටලු සහගත තත්වයන් අවසන්ව ආර්ථික ස්ථාවරත්වය ඇති වනු ඇතැයි අපේක්ෂා කරන බවත්, ඒ සදහා රාජ්‍යතාන්ත්‍රික වශයෙන් උපරිම සහයෝගය ලබා දෙන බවත්, තානාපතිවරයා මෙහිදී පැවසීය.
අධිකරණ අමාත්‍යාංශයේ ලේකම් වසන්තා පෙරේරා මහත්මිය ද මෙම අවස්ථාවට එක් විය.
