මැයි 17, 2024
tami eng youtube  twitter facebook

    sinhala

    හිටපු අමාත්‍ය මංගල සමරවීර මහතා පිළිබඳ ශෝක යෝජනාව විවාදයට

    පෙබරවාරි 11, 2022

    අභාවප්‍රාප්ත කෘතහස්ත දේශපාලඥයකු වූ මංගල සමරවීර මහතා වෙනුවෙන් වූ ශෝක‌ යෝජනාව අද (10) පාර්ලිමේන්තුවේ දී ආරම්භ විය.

    හිටපු මුදල් අමාත්‍යවරයෙකු වූ මංගල සමරවීර මහතා කොවිඩ් වෛරසය අසාදනය වීම හේතුවෙන් කොළඹ, පෞද්ගලික රෝහලක දී අභාවප්‍රාප්ත විය.

    ඔහු මිය යන විට 65 වන වියේ පසු විය. 1983 වර්ෂයේ ශ්‍රී ලංකා නිදහස් පක්ෂයේ මාතර සංවිධායකවරයා වශයෙන් දේශපාලනයට පිවිසි මංගල සමරවීර මහතා, 1989දී පාර්ලිමේන්තු මන්ත්‍රිවරයෙකු වශයෙන් තේරී පත් වුණි. 1994 වර්ෂයේ දී හිටපු ජනාධිපති චන්ද්‍රිකා කුමාරතුංග මහත්මියගේ කැබිනට් මණ්ඩලයේ අමාත්‍යවරයෙකු වශයෙන් කටයුතු කළ ඒ මහතා, 2015 වසරේ යහපාලන රජයේ මුදල් අමාත්‍යවරයෙකු වශයෙන්ද කටයුතු කළේය.

    අග්‍රාමාත්‍ය මහින්ද රාජපක්ෂ මහතා-

    ශෝක යෝජනාව ඉදිරිපත් කරමින් අග්‍රාමාත්‍ය මහින්ද රාජපක්ෂ මහතා පැවසුවේ, මංගල සමරවීර මහතා ශ්‍රී ලංකා දේශපාලනයේ නොමැකෙන මතකයන් ඉතිරි කළ කෘතහස්ත දේශපාලඥයෙක් බවයි. වසර 31 තිස්සේ සක්‍රිය දේශපාලනයේ යෙදෙමින් ජීවිත ගමන අවසන් කරන තුරුම තමන්ට ආවේණික දේශපාලනයක් කළ දේශපාලකයකු වූ එතුමාගේ දේශපාලන දර්ශනය මනාව පැහැදිළි වෙන බව අග්‍රාමාත්‍යවරයා සඳහන් කළේය.

    88-89 භිෂණ සමයේ පැවති අසාධාරණයන්ට සහ අවනීතියට එරෙහි වෙමින් සහ 1977-1994 දක්වා පැවති 17 වසරක පීඩාකාරී පාලයට එරෙහිව යුක්තිය සාධාරණය සහ  ප්‍රජාතන්ත්‍රවාදය වෙනුවෙන් කළ අරගලවලදී මංගල සමරවීර මහතා, ඒ වෙනුවෙන් පෙනී සිටි බවත්  ඒ සඳහා කළ මෙහෙවර අගය කරන බවද කීය.

    තැපැල්, වරාය, නාගරික සංවර්ධන, ජනමාධ්‍ය, විදේශ කටයුතු සහ මුදල් යන ක්ෂේත්‍ර වල අමාත්‍යදූර දැරූ මංගල සමරවීර මහතා, ඒ සෑම විෂයකදී ම නව මානයකින් යුතුව කටයුතු කළ බවත් සංහිඳියාව වෙනුවෙන් කටයුතු දේශපාලක්ඥයෙකු බවද කීය.


    විපක්ෂ නායක සජිත් ප්‍රේමදාස මහතා-

    මොනම අවාසි තත්ත්වයකදී වුවත් තමන් විශ්වාස කළ සත්‍ය වෙනුවෙන් මංගල සමරවීර මහතා පෙනී සිටි බව විපක්ෂ නායක සජිත් ප්‍රේමදාස මහතා පැවසීය. ඔහු තනතරු මත යැපුණු චරිතයක් නොවන බව පෙන්වා දුන් විපක්ෂ නායකවරයා, ජන සමාජයේ විවිධ තලවල විශ්වාසයක් ඇති කිරීමට සමත් වූ බවද කීය.මුදල් අමාත්‍යවරයා වශයෙන් කටයුතු කිරීමේදී ආර්ථික වර්ධන වේගය ඉහළ දැමීම, උද්ධමනය අවම කිරීම, අපනයන කේන්ද්‍රීය ආර්ථික රටාව, තොරතුරු තාක්ෂණයට , කෘතිම බුද්ධියට ඉඩ දෙමින් ඒ පිළිබඳ විශ්වාසයකින් කටයුතු කළ බව කීය.

    ආණ්ඩු පක්ෂයේ ප්‍රධාන සංවිධායක අමාත්‍ය ජොන්ස්ටන් ප්‍රනාන්දු-

    අභාවප්‍රාප්ත මංගල සමරවීර මහතා ජනමනස හඳුනාගැනීමේ හැකියාව ඇති සහ පංති භේදයකින් තොරව සෑම පුද්ගලයෙකුම සමගම සබඳතා පවත්වාගනිමින් සැමගේ මිත්‍රයෙකු ලෙස කටයුතු කළ දේශපාලක්ඥයෙක් බව ආණ්ඩුපක්ෂයේ ප්‍රධාන සංවිධායක ජොන්ස්ටන් ප්‍රනාන්දු මහතා පැවසීය.

    පාඩු ලැබූ ටෙලිකොම් සමාගම ප්‍රතිව්‍යුහගත කිරීම, රිචඩ්ද සොයිසා නිවාස සංකීර්ණය ජනමාධ්‍යවේදීන්ට ලබා දීම, ජනමාධ්‍ය ආයතන ප්‍රතිව්‍යුහගත කිරීම වැනි සේවාවන් රැසක් ඉටු කළ බව කීය.

    ශ්‍රී ලංකාව කොවිඩ් වසංගතයෙන් පීඩාවට පත් වූ මොහොතක දේශපාලන භේදයකින් තොරව එක්සත් ජනපද ප්‍රධානින්ගෙන් පෞද්ගලිකව ඉල්ලීම් කළ බවත් කොවිඩ් වසංගතයට රට මුහුණ දී සිටි මොහොතක දේශපාලන වාසි ගැනීමට නොගිය බවත් ඔහු වැනි දේශපාලනක්ඥයින් ඕනෑම දේශපාලන කඳවුරකට ශක්තියක් බවද ජොන්ස්ටන් ප්‍රනාන්දු අමාත්‍යවරයා කීය

     

    340x250

    නවතම පුවත්

    dgi log front

    electionR2sin

    recu

    Desathiya