වැල්ලවාය, මහආරාව ප්‍රදේශයේ ගොවීන් වගා කර ඇති මුරුංගා වගාවෙහි පළමු අස්වැන්න නෙළීම පසුගිය 23 වනදා සිදු විය.
එම අවස්ථාවට සහභාගී වූ වී හා ධාන්‍ය කාබනික ආහාර, එළවළු, පළතුරු, මිරිස්, ලූණු හා අර්තාපල් වගා ප්‍රවර්ධන, බීජ නිෂ්පාදන හා උසස් තාක්ෂණික කෘෂිකර්ම රාජ්‍ය අමාත්‍ය ශෂීන්ද්‍ර රාජපක්ෂ මහතා ගොවීන්ගේ වගා කටයුතු සංවර්ධනය කිරීමට ඉදිරියේ දී ගැනීමට නියමිත පියවර රැසක් පිළිබදව ද පැහැදිළි කළේය.
දුෂ්කර ප්‍රදේශවල ගොවීන්ට අස්වැන්න වැඩිකර ගැනීමට අවශ්‍ය තාක්ෂණය හදුන්වාදීමටත්, වෙළඳපොල අවශ්‍යතාවයට අනුව තම නිෂ්පාදනයන් සිදුකර වැඩි ආදායමක් ලබාගැනීමට අවශ්‍ය කටයුතු ඉදිරියේදී සිදු කිරීමට බලාපොරොත්තු වන අතර වගාවට අවශ්‍ය ජලය ලබාගැනීමට වතුර මෝටර ඇතුළු ගොවි උපකරණ ලබාදීම මගින් මෙම ගොවීන්ගේ උනන්දුව වැඩිකිරීමට බලාපොරොත්තු වන බවත් රාජ්‍ය අමාත්‍යවරයා පැවසුවේය.
